Petisyon Pou Restore Vre Non Peyi HAYTI

 KREYOL HAYSYEN
   
PETISYON POU RESTORE VRE NON PEYI HAYTI

 Chè konpatriyòt, pitit pitit ak pitit fi 4yèm, 5yèm jenerasyon Haysyen, Jodi a, nou gen yon sitiyasyon espesyal ki egziste nan peyi nou an depi ane 1806.
Nan 18 Novanm 1803, granparan nou yo te bat lame Napoleon nan Vertieres. Anperè Jean Jacques Dessalines te pwoklame Liberasyon pèp nou an sou non “Wayòm H a y t i. Se te sel Wayòm kit janm egziste nan Amerik. 

17 oktòb 1806, Ampil tret te asasinen Anperè Jean Jacques Dessalines. Yo te vle fe disparèt tout rèv li, plan li ak objektif li pou nouvo nasyon “Hayti” an ki ta dwe chanje anpil bagay pou pitit pitit Lafrik yo.
 
Apre lanmò anperè a, konplote yo te pran plas li. Yo te soumèt peyi ya anba move lwa espirityèl Fransè yo ki te kolonize nou. Lwa espirityèl sa yo te fason ki pi fasil pou yo domine sou nou.  Yo komèt yon zak ignominab devan Fòs Enfini ya ki te pèmèt nou libere tèt nou. Se te yon kout pa kompran ke Hayti te sibi”. Yo chanje non Hayti an haiti. Aksyon sa diminye vibrasyon espirityèl non peyi ya, H A Y T I.  Depi le sa Hayti komanse divize.
  

Non Hayti soti nan lang espirityèl trè fò ki te egziste sou tè sa a,
 
Apatrid san wont yo te deside fè yon sakrilej nasyonal epi modifye non “Hayti” an Haiti. Chanjman sa a konplètman elimine fòs espirityèl nasyon nou an ki te fleri gras a bonte ak fòs Bondye Siprèm Enfini yan kin nan Batiste Hayti.

 

Kolon yo te koken anpil e yo te konnen sa yo te vle fe ya tre byen. Yo reyisi fel ak èd trèt ayisyen yo. Yo te rive fe tret ayisyen sa yo retire non “Hayti” ya e ranplase li pa mo Haiti ki se yon diminisyon espirityel de HAYTI. Bagay sa genyen ampil enpotans.
 
 Gen yon sèl Bondye pwisan sou tè a e Non Li egziste nan premye fraz, paragraph lwa Endepandans Hayti ya. Non Hayti ya konekte direkteman a non Fos Siprem sa ki nan Konstitisyon 1805 la.  

 

Ewo endepandans yo te fè sèman nan dokiman sa a ke se pa Pouvwa Enfini sa a ke yo te etabli nasyon nou an. paske Bondye rekonèt ke tout moun egal sou sifas tè ya. 
  

Depi Yo te chanje non peyi ya an Haiti, peyi ya konnen anpil peryòd desepsyon ak kriz. HAYTI se yon non ki gen gwo vibrasyon nan dimansyon spirityèl yo. 
   
 Jodi ya se yon ijans pou retabli H A Y T I, non sa a ki ekri  nan batistè peyi nou e  nan Konstitisyon 1805 la. 
  

HAYTI se non ofisyèl zansèt nou yo te adopte nan inanimite pou pwoklame “Gran Wayòm HAITI" ki se vre non peyi nou. 

 

Jodi a chè frè ak konpatriyòt Haysyen, mwen vle pouse imajinasyon w.  Aksyon sa a ke map mande w fè jodi a. Se yon aksyon solanèl, si w vrèman vle onore ak retabli vre non peyi nou HAYTI. 
  

HAYTI fe pati sèk tout peyi nan mond lan. Sepandan “Nou pran nan yon kout pa konpran n e tret yo fe Hayti sa ki pat dwe fet ki se te chanje non HAYTI. 
  

 Jodi a, frè ak sè Haytian mwen yo, mwen mande nou pou nou fe tout sa nou kapab pou retabli non peyi nou an ki se HAYTI. 

 

Sa ka sanble ke se yon bagay piti, men li pa senp jan ou panse ya. Le yo te chanje non peyi nou de HAYTI a Haiti, nou desan n amba net nan nechèl espirityèl la. HAYTI rete nan pozisyon sa twò lontan e akòz inyorans sa, nap peri nan mize san nou pa ka konpran n ki sa ki fe sa. 
 
 Moun ki te trayi nou yo, trèt sa yo te toujou vle pou nou rete anba enfliyans kriminèl, male e tout lot aksyon malatchon yo kont pèp nou an.
 
 Chè Haysyen, nou dwe re-etabli non HA Y T I ya san dele. “Sa yo te fè ya,se te yon zak terib”. Aksyon sa a ki te konsiste de ranplase "Y" la pa yon "I” trema". Osi senp ke sa ka parèt, aksyon sa a reprezante yon pichon kont pèp Haysyen depi 212 ane. 
 
  Jodi a, chè konpatriyòt, chè frè ak sè Haysyen yo, mwen mande nou pou nou kòmanse ekri ak pwononse non peyi nou jan li ta dwe ye: HAYTI. Lè w ekri ak pwononse non sa a HAYTI, wap kòmanse chanje desten nasyon nou an “Hayti” chak fwa w fw sa. 

Nou tout ta renmen ke Hayti konnen yon nouvo syèl. yon nouvo tè.  HAYTI pral yon nasyon tre fò. Yon nasyon ki pral gen anpil respè nan nivo entènasyonal.
  

Jodi a nou dwe rejte fatra sa a  "haiti" ke yo te ban nou e ki toujou kenbe nou tet anba tankou zombi.  Rejte non "haiti" sa, a se chanje desten nou, se chanje demen, se chanje avni gran-pitit pitit nou yo ki pral rive sou tè a.
  

HAYTI se premye nasyon moun nwa nan le mond. Se sèl e inik wayom ki te jan m egziste nan Amerik yo ak Karayib la depi 1804. Zanset nou yo te goumen e yo te genyen batay la, se pat yon favè ke yo te fè YO. Se yon fòs ekstraòdinè ki te tonbe sou yo e ki te pèmèt yo konkeri, domine ak elimine fòs nwa Franse yo, ki te vle kembe nou nan esklavaj pou tout tan.
  

Komanse pa itilize plim, imajinasyon nou pou nou tout ansan m kòmanse ranvèse malonet sa ke tret “haitien” sa yo te fè kont peyi nou. 
  

Komanse retabli non “HAYTI” nan tout ekriti nou yo, “HAYTI” nan Facebook, “HAYTI” nan Instagram, “HAYTI” nan Tiktok, “HAYTI” nan X ak tout medya sosyal yo. Retabli non “HAYTI”   nan konvèsasyon ou yo. e  nan tout sa ki gen rapò ak HAYTI..
 
 Kòmanse pale ak edike zanmi ou yo, etranje yo ak tout lot moun ou va gen konvèsasyon. Pale yo de HAYTI. Pèp “HAYTI” ya ki pral gen yon lòt dimansyon nan listwa limanite.
  

Fè tout nasyon sou tè ya konnen ke Haysyen yo pran desizyon pou ranvèse, chanje, retabli non orijinal peyi yo , non zansèt yo HAYTI. 
  

Viv “HAYTI”, Viv nasyon nou an. 

 

”VIV HAYTI. KE BONDYE BENI HAYTI POU TOUT TAN”

 SIYEN PETITION SA JODIA POU NOU RANVESE NON PICHON haiti YA  AN "HAYTI"